tag:blogger.com,1999:blog-209991812024-03-08T14:21:05.744+05:30തടി കുറയുമോ?ബൂലോഗ തടിയന്മാര്ക്ക് ഒരാസ്ഥാനംKalesh Kumarhttp://www.blogger.com/profile/04189687781351353222noreply@blogger.comBlogger1125tag:blogger.com,1999:blog-20999181.post-1137306720266356602006-01-15T11:44:00.000+05:302007-08-17T21:36:13.666+05:30ഈ കഴിഞ്ഞ ഈദിന് (10 ജനുവരി 2006) <a href="http://www.blogger.com/profile/13992719">ദേവേട്ടനെ</a> ഫോണ് ചെയ്ത് വിശേഷങ്ങളൊക്കെ പറഞ്ഞുകൊണ്ടിരുന്നപ്പം സംഭാഷണം എന്റെ കല്യാണക്കാര്യത്തിലേക്ക് വന്നു. എന്റെ “തടി“ കാരണം എനിക്ക് വന്ന ചില കല്യാണാലോചനകളും മാറി പോയ കാര്യം ഞാന് ദേവേട്ടനോട് പറഞ്ഞ് ചിരിച്ചു. ദേവേട്ടനതുകേട്ടിട്ട് എന്റെ തടി കുറയ്ക്കാന് ഒരു പ്രയോഗം പറഞ്ഞു തന്നു. അതാണ് <strong>“കുമ്പളങ്ങ ചികിത്സ“</strong>. (അധവാ കുമ്പള് തെറാപ്പി)<br /><br />ദേവേട്ടന് അടുത്തിടെ തുടങ്ങിയ <a href="http://arogyam.blogspot.com/">ആരോഗ്യബ്ലോഗില്</a> അത് വളരെ രസകരമായി <a href="http://arogyam.blogspot.com/2006/01/blog-post.html">പോസ്റ്റും </a>ചെയ്തു.<br /><br />ഇതിനെ കുറിച്ച് നേരത്തെ ഞാന് കേട്ടിട്ടുണ്ട്. വര്ക്കലക്കാരനല്ലേ ഞാന്? പാപനാശത്തെ സര്ക്കാര് പ്രകൃതി ചികിത്സാ കേന്ദ്രത്തില് മത്തങ്ങാ നീരും മണ്ണു ചികിത്സയുമൊക്കെ നടത്തി തടി കുറയ്ക്കാറുണ്ടെന്ന് കേട്ടിട്ടുണ്ട്. ഏതായാലും ഇതൊന്ന് പരീക്ഷിച്ചുകളയാമെന്ന് ഞാനും കരുതി. തടി മൂലം എനിക്ക് പെണ്ണ് കിട്ടാഞ്ഞോ അല്ലേല് കെട്ടാന് പോകുന്ന പെണ്ണിനെ ഇമ്പ്രസ്സ് ചെയ്യിക്കാനൊന്നുമല്ല. എനിക്ക് തന്നെ എന്റെ തടി ഓവറാകുന്നു എന്ന് തോന്നുന്നു. എന്റെ ക്രമം തെറ്റിയ ജീവിതരീതിയാണ് എന്നെ തടിയനാക്കുന്നത്.പിന്നെ ഇവിടുത്തെ ഭക്ഷണവും. എനിക്ക് ഭക്ഷണത്തോട് ആര്ത്തിയൊന്നുമില്ല. ഇവിടെ ഹോട്ടലിലെ എക്സിക്യുട്ടീവ് ഡൈനിംഗ് റൂമില് നല്ല ഒന്നാം തരം ഭക്ഷണം കിട്ടും. കഴിക്കാന് വയ്യാത്ത പാടേയുള്ളൂ. ഒക്കെ ഒന്ന് കണ്ട്രോള് ചെയ്യണം ഇനി.<br /><br />ഏതായാലും ശരി ഇന്ന് (15 ജനുവരി 2006)രാവിലെ തൊട്ട് ചികിത്സ തുടങ്ങി. അതിന്റെ പ്രോഗ്രസ്സ് ഒന്ന് ബ്ലോഗ് ചെയ്യാമെന്നു കരുതി ഈ ബ്ലോഗ് തുടങ്ങി.<br /><br />ഇന്നലെ വൈകിട്ട് ഞാന് എന്റെ ഡ്രൈവര് രാജന് അണ്ണനെയും കൂട്ടി ഉം അല് കുവൈന് ലുലു സെന്ററില് പോയി. പണ്ടൊരിക്കല് എന്റെയൊരു വയറിളക്കം ബാധിച്ച സുഹൃത്ത് വയറു മുറുകാനുള്ള ഗുളികയ്ക്കു പകരം വയറ് ഇളകാനുള്ള ഗുളിക കഴിച്ച് വശക്കേടായത് ഓര്മ്മയുള്ളതുകൊണ്ടാ രാജന് അണ്ണനെ കൂടെ കൂട്ടിയത്. കുമ്പളങ്ങയ്ക്കു പകരം വേറെ എന്തേലും സാധനം മേടിച്ചോണ്ട് പോയാല് വിപരീത ഫലമുണ്ടായാലോ?<br /><br />രാജന് അണ്ണന്റെ ലണ്ടനിലുള്ള ശേഷകാരിയുടെ (അനന്തിരവള്) 17 കിലോ ഈ കുമ്പളങ്ങ എന്നു പറയുന്ന സാധനം 10 ദിവസങ്ങള് കൊണ്ട് കുറച്ചു എന്ന അറിവ് എന്നെ കൂടുതല് സന്തോഷവാനാക്കി. പുള്ളിക്കാരിയെ വര്ക്കല പ്രകൃതി ചികിത്സ കേന്ദ്രത്തില് ആണ് ചികിത്സിച്ചത്.<br /><br /><a href="http://photos1.blogger.com/blogger/4573/1102/1600/DSC00027.jpg"><img style="FLOAT: left; MARGIN: 0px 10px 10px 0px; CURSOR: hand" alt="" src="http://photos1.blogger.com/blogger/4573/1102/320/DSC00027.jpg" border="0" /></a> എന്റെ കൈയ്യില് മിക്സി ഇല്ല.ആദ്യം ഒരു മിക്സി മേടിക്കണം.ജ്യൂസ് ഉണ്ടാക്കണ്ടേ!ലുലുവിലെ ഇലക്ട്രോണിക്സ് സെക്ഷനില് ചെന്നപ്പം ആകെ കണ്ഫ്യൂഷന്. എന്ത് തരം മിക്സിയാ മേടിക്കുക? രാജയണ്ണനു യാതൊരു ഐഡിയയും ഇല്ല. കുടുംബമായി താമസിക്കുന്ന ദേവേട്ടനെ തന്നെ വിളിച്ചു. മോളിനെക്സ് മിക്സി മേടിക്കാന് ഡോക്ടര് പ്രിസ്ക്രൈബ് ചെയ്തു.<br /><br />കുമ്പളങ്ങയുടെ ഐഡന്റിഫിക്കേഷന് പ്രശ്നത്തെ കൂറിച്ച് പറഞ്ഞപ്പോള് കുമ്പളങ്ങയുടെ ശാസ്ത്രീയനാമം പറഞ്ഞുതരാമെന്നായി ദേവേട്ടന്! വായില് കൊള്ളാത്ത പേര് കേട്ടിട്ട് യാതൊരു ഗുണവും ഇല്ലെന്ന് ഞാന് പറഞ്ഞു. (മാത്രമല്ല, അത്രെം വിവരവുമില്ലേ!)<br /><br /><a href="http://photos1.blogger.com/blogger/4573/1102/1600/DSC00028.jpg"><img style="FLOAT: left; MARGIN: 0px 10px 10px 0px; CURSOR: hand" alt="" src="http://photos1.blogger.com/blogger/4573/1102/320/DSC00028.jpg" border="0" /></a> അതു കഴിഞ്ഞ് താഴെ പച്ചക്കറി സെക്ഷനില് പോയി. അവിടെ ചെന്നപ്പം വിദഗ്ദ്ഗന്“ രാജയണ്ണന് കണ്ഫ്യൂഷന്. കുമ്പളങ്ങ കണ്ടിട്ട് പുള്ളി പറയുന്നു “അത് കുമ്പളങ്ങ അല്ല” എന്ന്. കുമ്പളങ്ങയ്ക്ക് രോമം ഉണ്ടത്രേ! കണ്ഫ്യൂഷന് തീര്ക്കാന് ചുറ്റും നോക്കിയപ്പം അത്രയും ഫിലിപ്പൈനി സെയില്സ് പെണ്ണുങ്ങള്! അവളുമാരോട് “കുമ്പളങ്ങ” ഏതാണെന്ന് എങ്ങനാ ചോദിക്കുക? രാജയണ്ണന് പോയി ഒരു മലയാളി സെയില്സ്മാനെ തപ്പിക്കൊണ്ടു വന്നു. ആ പുള്ളിക്കും സംശയം. രാജയണ്ണന് തീര്ത്തു പറയുകയാണ് ഇത് കുമ്പളങ്ങയല്ല എന്ന്!<br /><br /><a href="http://photos1.blogger.com/blogger/4573/1102/1600/DSC00029.jpg"><img style="FLOAT: left; MARGIN: 0px 10px 10px 0px; CURSOR: hand" alt="" src="http://photos1.blogger.com/blogger/4573/1102/320/DSC00029.jpg" border="0" /></a> ഇതിനൊരു ബോര്ഡ് ഉണ്ടാകുമല്ലോ... ബോര്ഡ് നോക്കികളയാമെന്നു കരുതി ഞാന് ഒന്ന് തല പൊക്കി മുകളിലേക്ക് നോക്കിയപ്പം ഇംഗ്ലീഷില് <strong>കുമ്പളം </strong>എന്ന് എഴുതി വച്ചേക്കുന്നു! പിന്നെ കൂടുതല് ആലോചിച്ചില്ല. 4 എണ്ണം വാങ്ങി.<br /><br />ഇന്ന് രാവിലെ എഴുന്നേറ്റത് താമസിച്ചു പോയി. കാരണം ഇന്നലെ രാത്രി 3 മണിയായി ഉറങ്ങിയപ്പം. ഹോട്ടലില് താമസിക്കുന്ന കുറച്ച് മല“നാറി” ഗസ്റ്റുകള് രാത്രി വെള്ളമടിച്ച് പ്രശ്നങ്ങളുണ്ടാക്കിയിരുന്നു. അതു കൊണ്ട് തുടരെ തുടരെ ഫോണ്കോളുകള് വന്നതു കാരണം ഉറക്കം ശരിയായതുമില്ല. എഴുന്നേറ്റ ഉടന് തന്നെ പ്രഭാതകര്മ്മങ്ങളെല്ലാം തീര്ത്ത് പടത്തിന്റെ മുന്നില് വിളക്കും കൊളുത്തി പ്രാര്ത്ഥിച്ചിട്ട് നേരെ കുമ്പളങ്ങ ഒരെണ്ണമെടുത്തോണ്ട് അടുക്കളയില് പോയി അത് മുറിച്ച് പകുതിയാക്കി. ഒരു പകുതി ഫ്രീഡ്ജില് വച്ചിട്ട് മറു പകുതിയുടെ തൊലി ചെത്തി കളഞ്ഞു. അതിനകത്തെ കുരുവെല്ലാം എടുത്തുകളഞ്ഞിട്ട് അത് ചെറിയ സ്ലൈസുകളായി അരിഞ്ഞു മിക്സിയിലിട്ട് അടിച്ച് ജ്യൂസ് പരുവമാക്കി. അതൊരു ഹൈബോള് ഗ്ലാസ്സിലേക്ക് (കോലന് ഗ്ലാസ്സ്)പകര്ന്നു. ബാക്കി വന്ന ഒരു ഗ്ലാസ്സോളം ജ്യൂസ് ഫ്രിഡ്ജില് വച്ചു.<br /><br /><a href="http://photos1.blogger.com/blogger/4573/1102/1600/DSC00030.jpg"><img style="FLOAT: left; MARGIN: 0px 10px 10px 0px; CURSOR: hand" alt="" src="http://photos1.blogger.com/blogger/4573/1102/320/DSC00030.jpg" border="0" /></a>സകല ഈശ്വരന്മാരേയും മനസ്സില് ധ്യാനിച്ചുകൊണ്ട് നല്ല കുറുകുറാന്നുള്ള കുമ്പളങ്ങാ ജ്യൂസ് ഒരു പരുവത്തിനങ്ങ് കുടിച്ചിറക്കി. എന്താ ആഫ്റ്റര് ഇഫക്ട് എന്ന് അറിയില്ല. വയറ് ഇളകുമോ അതോ മുറുകുമോ? ഓരോരുത്തര് ഓരോന്ന് പറഞ്ഞ് എന്നെ പേടിപ്പിക്കുന്നു. ഇത്തിരി കട്ടി തന്നെ ഈശ്വരാ, എന്നാലും ഞാനിത് പരീക്ഷിച്ച് നോക്കാന് പോകുകയാണ്. എങ്ങനെയുണ്ടെന്ന് നോക്കാം.<br /><br />ഞാന് ഇതൊക്കെ കഴിഞ്ഞ് ഡോക്ടറിന് ഒരു എസ്.എം.എസ് വിട്ടു. “ഡിയര് ഡോക്ടര്, ഞാന് ചികിത്സ തുടങ്ങി“ എന്ന് പറഞ്ഞ്. “മെലിഞ്ഞ് കുട്ടപ്പനായി വരൂ” എന്ന് ഉടന് തന്നെ ഡോക്ടര് മറുപടി അയച്ചനുഗ്രഹിച്ചു.<br /><br />എന്തായാലും ശരി ഇന്ന് ഉച്ചയ്ക്കത്തെ ഭക്ഷണം നല്ല രുചികരമായി തോന്നി. കുമ്പളങ്ങാ ഇഫക്ട് കൊണ്ട് ആണോന്ന് അറിയില്ല.Kalesh Kumarhttp://www.blogger.com/profile/04189687781351353222noreply@blogger.com13